ՀՀ առողջապահության նախարարությունը նախաձեռնել է առողջության համապարփակ ապահովագրության (ԱՀԱ) համակարգի ներդրման գործընթաց: 2023 թվականին ընդունվել է ԱՀԱ ներդրման հայեցակարգը: Առողջության համապարփակ ապահովագրության ներդրումը ներառված է նաև Կառավարության 2021-2026 թթ-երի ծրագրում, ինչպես նաև Առողջապահության նախարարության 2023-2026 թթ-երի ռազմավարական ծրագրում։ Ռազմավարական ծրագրերի միջոցառումներով նախատեսվում է, որ ԱՀԱ կներդրվի փուլային՝ սկսած 2025թ-ից, որի ընթացքում պետք է իրականացվեն ապահովագրական փաթեթի, ծառայությունների գների հաշվարկման էլեկտրոնային գործիքների պարբերական գնահատումներ, դեղերի ծախսերի հաշվարկի, ապահովագրվածների ռեգիստրի մշակման աշխատանքներ։