Գիտական բաժինը կազմակերպում և համակարգում է ԱԱԻ ուսումնամեթոդական և գիտակորդինացիոն խորհուրդների աշխատանքները, որոնց հիմնական գործառույթներն են առողջապահության արդի հարցերի շուրջ գիտական ուսումնասիրությունները, գրքերի և մեթոդական ձեռնարկների հաստատումը, ինչպես նաև թեկնածուական և դոկտորական թեզերի թեմաների հաստատումը, նախապաշտպանությունը:

 

ՀՀ ԱՆ « Ակադեմիկոս Ս.Ավդալբեկյանի անվան Առողջապահության ազգային ինստիտուտ » ՓԲԸ-ի Գիտական խորհուրդը հանդիսանում է ներկայացուցչական, խորհրդակցական մարմին՝ առողջապահական , գիտական, ուսումնական և մեթոդաբանական գործունեության հիմնական հարցերը քննարկելու և որոշումները կայացնելու համար: Իր գործունեության ընթացքում Գիտական խորհուրդը առաջնորդվում է « Գիտական և գիտատեխնիկական գործունեության մասին », « Կրթության մասին » ՀՀ օրենքներով, ԱԱԻ կանոնադրությամբ, Գիտխորհրդի Կանոնակարգով և այլ իրավական փաստաթղթերով, որոնցով կարգավորվում է ՀՀ առողջապահական և գիտաուսումնական հաստատությունների գործունեությունը:

• Գիտական խորհուրդը որոշում է գիտական և ուսումնական աշխատանքների կազմակերպման հիմնական հարցերը,
• Գիտական հետազոտությունների հիմնական ուղղությունները ,
• Հաստատում է ատենախոսական աշխատանքների նախագիծը (անոտացիոն պլանները),
• Հաստատում է ատենախոսական աշխատանքների վերաբերյալ առաջատար կազմակերպության կարծիքը,
• Քննարկում է ԱԱԻ տնօրենի, տնօրենի տեղակալների և կառուցվածքային բաժինների ղեկավարների հաշվետվությունները ` իրենց աշխատանքի արդյունքների և զարգացման հեռանկարային ծրագրի վերաբերյալ,
• Քննարկում է Հանրապետության այլ հաստատություններից ուղարկված փաստաթղթերը և հաստատում դրանց վերաբերյալ գրախոսականները,
• Քննարկում է ԱԱԻ աշխատողներին պատվավոր կոչումներ շնորհելու առաջարկությունները,
• Հաստատում է ուսումնական ձեռնարկների, մենագրությունների, դասագրքերի մեթոդական ցուցումների և այլ գիտակրթական նյութերի հրատարակման երաշխավորումները,
• Իրականացնում է Հայաստանի Հանրապետության օրենսդրությունից և ինստիտուտի կանոնադրությունից բխող այլ լիազորություններ,
• Շնորհում է « ԱԱԻ պատվավոր պրոֆեսորի » կոչում:

Գիտական խորհրդի կազմում ընդգրկվում են

• ԱԱԻ-ի տնօրենը,
• Գիտական քարտուղարը
• Հանրապետության կենսաբժշկագիտության, բժշկական կրթության և գործնական առողջապահության առաջատար գիտնականները,
• Այլ հարակից բնագավառի մասնագետները